年30 (2010-02-14)

今年年30晚終於唔係開工, 可以食完飯, 休息下. 係梳化坐坐下突然又思潮起伏, 暮然回首, 好似好耐都冇食完飯坐係梳化與家人一齊睇電視閒談.

自有記憶(小學前的生活完全無記憶), 每天都也是在讀書, 食飯時間為1930, 一般食到2000, 大概可以坐下睇電視到2015, 老豆就問開聲要返房讀書, 所以每天與家人一齊睇電視的時間僅為15分鐘, 日日如是即使放假. (此等生活直至出黎工作為止).

等到工作, 日日都在忙, 放工後仍滿腦子工作的事, 從未有一刻鬆檞, 但轉做corporate finance後, 一件工作接一件, 每件工件都係客戶簽完所需文件就完事, 清脆利落. 除左間中老闆的蠢嘢同senior 的冇理同其他同事的自私, 放工後都冇咩好諗好担心,今年倒是第一年係年30晚可以食完飯係梳化度休息下.

其實看電視倒並不是重點, 重要的要一家人坐在一起, 有講有笑, 電視節目根本千篇一律了無生趣, 但只要一家人齊齊整整健健康康平安的如願足矣!