唔知道係我的數學唔好(男友一直投訴我的數學差到無人有), 定係家教的問題, 我對錢一向都冇咩概念. 只要負擔得起就得, 好似堅持如果可以一年最少一次旅行, 得閒就買下衫俾老豆(一次大約買1500蚊, 高峰時差唔多每3個月買一次), 買下心頭好, 好似iphone (雖然我只係用係聽電話同聽歌),買royce chocolate 俾老媽子(每次70蚊, 一個月平均買一至二次), 兩老生日食餐好的(平均3000), mother day 同father day 去下飲荼買旦糕, 男友特別反對我買70蚊包的royce chocolate , 佢話貴得離譜, 我就冇呢種感覺, 當然我知係比一般的貴, 但我覺得如果老媽子食得開心品質又的確係好的話, 我真係冇所謂. 男友成日話我唔明我點解要celebrate mother day 同father day, 兩老生日又要上館子等等活動, 其實某程度我係想有的回憶, 起碼等兩老生仲行得走得去多的地方睇下, 希望佢地會開心的(雖然唔知實際佢地係咪真係想去旅行).
久而久之, 我發現我儲錢的速度好慢, 因為定時定候要交稅, 交保險, 唯有向自稱數學了得的男友求救, 男友話我冇錢的概念.... 但錢的概念又應該係咩?好似我家姐咁'只'洗'係自己身上, 其他人就一毛不拔'?
聽上去我不覺得你特別大洗啊，父母生日與父親母親節，若一家能開開心心慶祝，是難得的福氣。但當然話說回頭，有時慶祝不一定要上館子，在家弄一頓豐富的，也可以很溫馨﹗
回覆刪除或許可以算算自己收入減去必須開支與儲蓄後還剩多少，再睇餸食飯看看可以如何吃喝玩樂？不會投資的話(如我)，我想這是最基本的所謂「理財」吧。
或者咁講, 以我的收入係可以負擔得起這些活動, 只不過我不知道這樣的'洗'錢是對還是錯...
回覆刪除哈，原來是這樣。我覺得只要不欠政府稅，負擔得起的享樂，哪有對錯之分的？就是儲錢慢點也無所謂啦 (只要不是完全不儲就可以啦)。
回覆刪除但要未雨綢繆呀, 尤其是當老了無了工作能力呀!
回覆刪除